吳建豪今娶有米女友石貞善 前衛婚照曝光

 

吳建豪今娶有米女友石貞善 前衛婚照曝光

今日就係吳建豪同女友石貞善結婚嘅日子，佢哋今早香港時間7點喺美國洛杉磯近郊的The Resort Pelican Hill五星級酒店舉行婚禮，婚宴共有約100位親友出席觀禮，預算婚宴加上包辦親友嘅食宿機票，將花費300萬新台幣。



美國時間傍晚進行婚禮晚宴，賓客以美國當地親友為主，吳建豪同石貞善跳第一支舞，雙方家長感言致詞之後，夫妻就切三層大蛋糕，最後吳建豪好友Elva蕭亞軒演唱「I do」，令婚禮氣氛更為浪漫感人。

石貞善係新加坡棕欖油千金，家族身家超過20億港元，名符其實係「千金」，兩人今日喺婚禮回送俾親友嘅小手信入面有婚照相冊，入面有好多佢哋兩個人嘅童年合成照，亦有靚靚前衛結婚照，女方冇著婚紗影相，反而著上性感禮服加印第安頭飾，實行一反傳統。