張可頤露人魚線 嚇親fans

 

天文台話，星期六氣溫會再跌，得番9度。咁嘅天氣，咁嘅節日氣氛，莫講話起身洗白白返工，就算起身做運動，都好難好難。被竇暖笠笠，邊個捨得起身先？



但係，望下個鐘，三點半都過咗喇喎，仲唔起身？過多兩個鐘太陽又落山喇，再望望張可頤呢張fit到爆嘅晒腰相，一抹陽光、誘人纖腰，仲要係黑色少少透視運動bra，人魚線約隱約現……可頤仲喺微博寫道:「Happy Boxing Day !祝大家夢想成真!」唔知可頤係咪指手上嘅水樽同身上運動服都係聖誕禮物喇……btw，呢個真係張可頤？冇頭嘅？

有fans就留言話:「二爺(張可頤)哪有這麼黑？」、「haha，這絕對不是你!」亦有網民妙問妙答:「這個應該不是Maggie本人吧？」阿乙就答喇:「當然不是啦，她才不會這麼福利我們，嘻嘻。」張可頤依家係短髮，如果相中人係佢，咁肯定就唔係呢個時候影嘅……可頤呀可頤，求原圖!!