今日TVB藝員羅鈞滿「獨排眾議」，話王維基嘅HKTV拎唔到免費電視牌照係「不負責任同應負全責」，仲叫王維基「勿將自己商業失敗跟社會公義拉上關係。」網民幾乎一面倒鬧爆佢兼洗FB版。
冇幾耐羅鈞滿又補充話:「我只係針對王先生係未批牌照前就大肆擴軍，導致今天要大幅裁員的局面。為甚麼批就公義唔批就唔公義？他成功利用群眾煽情想迫政府就犯，但他當初行這一步時有想過相信他的員工的後果嗎？我看到我同期訓練班的同學仔、昔日的隊友，320名的同行被裁難道我不痛心嗎？」
雖然佢有話為同行痛心，但HKTV嘅同行似乎就唔多領情啦，好似姜文杰咁，就喺微博晒咗張相，表明會取消對羅鈞滿嘅微博關注，你話呢種「痛心」，究竟係抽水，定係真心膠?
有HKTV嘅員工喺留言版留言話:「作為電影電視兼320位被裁的其中一員，我感受到的是一位有心有幹勁的人除卻賺錢因素之外還想為創意工業帶來一點生氣!!!謝謝羅先生你為我們心痛，但我想不必了，因為以你的水平，根本不知道我們痛在那裡......我們失去的並不只於一份工作，而是一個有能的政府.......這種深層次的感受，你又了解多少???」
羅鈞滿唔了解嘅，仲有好多，其實佢FB留言版，好多人都有解釋過佢聽，好似前有線主持潘杰寧，係佢朋友，就留咗好多次言:
「現在已涉及政府忽視民意的政治扼殺，不再是一個老闆生意失敗的層面，希望你會想清楚，然後收回言論。」
「再者，政府並無清楚指出，不發牌予香港電視的原因，黑箱作業，並不只是王維基的個人商業決定出問題」
「做好自己，你的努力必會得到認同，何解要不分是非黑白，如此刷鞋上位呢??」
「正因為我認識你本人，在Cable那時已知道你喜歡唱歌，你有了現在的成功，是替你高興，但看到你這status，真的很失望。你是聰明人，應該清楚知道你打這個status 會引起什麽，是好是壞，當小心分析」
不過羅鈞滿明唔明，又係另一回事啦。另外，入咗政界嘅袁彌明都加把腳寸爆羅鈞滿話:「在tvb待太久會腦殘。」
沒有留言:
張貼留言