【星夢總決賽】「高分王」鄭俊弘大熱勝出

 

無綫節目《星夢傳奇》繼台慶視帝、視后後，今晚喺將軍澳電視廣播城舉行決賽，四強鄭俊弘（Fred）、鄭世豪、姚兵、陳明恩經一輪激戰後，由全港觀眾投票選出終極冠軍，最後有237930萬人次投票。



結果高分王鄭俊弘憑住參賽歌《追》，以逾16萬票大熱勝出，贏得鑽石金咪，佢仲贏埋由譚詠麟、巫啟賢等評判選出嚟嘅「專業推介表現大獎」，獲得總值逾六十萬獎金獎品；至於鄭世豪就獲亞軍、陳明恩獲季軍、姚兵就奪殿軍。

雙鄭呢兩個大男孩獲獎後，均流下男兒淚，而負責頒獎嘅阿倫就向Fred訓話：「你由普通藝人，成為非常唔簡單歌手，希望你以後踏實地唱歌，做個簡單藝人。」