【金雞獎】趙薇憑《致青春》奪導演獎 錫錫女主持

今晚內地「金雞獎」喺武漢舉行，趙薇第一次做導演執導嘅《致我們終將逝去的青春》，成功幫佢拿下「導演處女作獎」。趙薇表示感謝編劇李檣、監製關錦鵬。佢好High咁當場錫咗女主持人經緯一啖，搞到對方嚇親。

而喺《一代宗師》入面飾演宮二章子怡父親，亦即北方八卦掌宗師宮保森嘅王慶祥，就獲得最佳男配角。而王珞丹就憑《搜索》奪最佳女配角。